Киир

Киир

Ыам ыйын 13 күнүгэр, сарсыарда аҕыс чаас туругунан, көмүөл мууһа Өлүөнэ өрүскэ Ленскэй уонна Өлүөхүмэ улуустарынан уста сытар, диэн иһитиннэрэр Өлүөнэтээҕи уу бассейнын салалтата.

Хойуу муус устуута Дьокуускайдааҕы УГМС дааннайынан, Битиим бөһүөлэгин таһыгар Крестовскай арыы таһыгар бэлиэтэнэр. Ону таһынан муус хамсааһына сүүрүк алын өртүнэн бэлиэтэннэ. Ленскэй куорат таһыгар муус хамсааһына ыам ыйын 14-15 күннэригэр күүтүллэр, оттон өрүс эстиитэ ыам ыйын 16-17 күннэригэр. Бу нуорматтан 4-5 хонук хойут. Нүүйэ бөһүөлэгин таһыгар муус хамсааһына ыам ыйын 14-15 күннэригэр күүтүллэр.

Өлүөнэтээҕи уу бассейнын салалтататын исписэлиистэрэ иһитиннэрбиттэринэн, Дьокуускай аннынан муус барыыта үтүө үгэс буолбутунан – быһа эфиринэн Кангаласс тумуһуттан уонна «Водоканал» ААуо уу олбуорун ыстаансыйатыттан, Даркылаах оройуонуттан көстүөҕэ. Дьокуускай таһыгар видеокамералар ыам ыйын 15 күнүттэн үлэлиэхтэрэ.

Тарҕат:

Санааҕын суруй