Черскэй бөһүөлэгин бэтэринээрнэй учаастагар бааһырбыт туруйаны аҕаллылар, диэн иһитиннэрэр Саха сирин бэтэринэриийэтин департамена.
«Анна Винокурова бэтэринээр быраас көтөр туругун көрөн баран, алын сүһүөхтэрин бааһырдыбытын быһаарда, сабаҕалааһын быһыытынан доруобунан. Бааһырбыт көтөр учаастакка киирбитин туһунан оройуоннааҕы айылҕа харыстабылыгар биллэрдилэр», - диэн этиллэр иһитиннэриигэ.
Биология үнүстүтүүтүн исписэлиистэрин көмөлөрүнэн бааһырбыт туруйа көрүҥүн быһаардылар – бу Кыһыл кинигэҕэ киирбэтэх канада туруйата буолара билиннэ.
Туруйаҕа бэтэринээринэй көмө оҥоһулунна, ол эрээри бааһырбыт көтөргө үрдүк таһымнаах испииссэ уонна шина уурааһыннаах эппэрээссийэ ирдэнэр, ол иһин көтөрү Дьокуускайга ыытыахтара.
