50 сыл буолан баран Саха сирин олохтоохторо тиэрбэстии быһыылаах күн өлүүтүн көрөр кыахтаныахтара. Маннык дьикти көстүү бэс ыйын 10 күнүгэр буолуоҕа. Бу туһунан ТАСС суруйар.
Москубатааҕы планетарий пресс-сулууспата суруйарынан, күн өлүүтүн Саха сирин уонна Чукуотка олохтоохторо үчүгэйдик көрөр кыахтаныахтара. Күн өлүүтүн кэмигэр Оҕус сулустарын бөлөхтөрүн аннытыгар сылдьыаҕа. Саха сирин уонна Чукуотка олохтоохторуттан ураты, бу 50 сылга биирдэ буолар дьикти көстүүнү Канада Онтарио провинциятын, Гренландия олохтоохторо уонна Хотугу полюстан кэтиир кыахтаныахтара. Маннык сэдэх көстүүнү киэһэлик Халыма намтал сирин уонна Черскэй сис хайатын илиҥҥи чааһыгар көрүөххэ сөп. Оттон күн өлһһтһн киинин Индигир өрүс төрдүгэр, Чокуурдаах уонна Табор бөһүөлэктэрин чугастарыттан кэтиэххэ сөп. Тиэрбэстии быһыылаах күн өлүүтэ Саха сирин бириэмтэтинэн 20.25 мүн. саҕаланар уонна 3 мһн. 37 сөк. усталаах буолуоҕа.
