Саха сирин ойуурдарыгар уопсайа 367,5 гаа иэннээх 10 баһаары умуллараллар. Бу туһунан Айылҕа министиэристибэтин пресс-сулууспата иһитиннэрэр.
Баһаар 6 улууска тахса турар: Мииринэй, Ньурба, Сунтаар, Нам, Өлүөхүмэ уонна Уус Алдан. Нам улууһугар икки баһаары умуллардылар.
Суукка устатыгар 150,5 гаа иэннээх сиргэ икки баһаары умуллардылар. Баһаардары бохсууга 317 киһи уонна 42 тиэхиньикэ кыттар. Маны таһынан 3840 гаа сиргэ 11 баһаары өрөспүүбүлүкэ ыксаллаах быһыыга-майгыга хамыыһыйатын дьаһалынан умулларартан аккаастаммыттар. ИСДМ-Рослесхоз тиһигин хонтуруолугар 39546 гаа сиргэ 49 термотуочука кэтэбилгэ сылдьар.
