Сунтаар улууһун Түбэй сэлиэнньэтиттэн 2,5 км тэйиччи турар сиргэ улахан ойуур уота турбута. Билигин онно ЫБММ авиацията уонна эрэгийиэннээҕи управление аэромобильнай бөлөҕө үлэлииллэр. Нэһилиэккэ уот ыган киирбэтин инниттэн, бөртөлүөтүнэн 24-тэ кҕтҕн 72 туонна ууну ыстылар.
Бэс ыйын 2 күнүн сарсыардатыгар Саха сиригэр 22 баһаар бэлиэтэнэр: Ньурба, Өлүөхүмэ, Сунтаар, Хаҥалас, Мииринэй, Эбээн Бытантай, Орто Халыма уонна Томпо улуустарыгар. Баһаардар туруохтарыттан 4331 гаа сири уот салаабыт. Суукка устатыгар 18,5 гаа сиргэ турбут 3 баһаары умуллардылар. ЫБММ ордук Сунтаар, Ньурба, Орто Халыма уонна Томпо баһаардарын кыраҕатык хонтуруоллуур. Уот умулларыыга 500 киһи, 58 тиэхиньикэ үлэлииллэр. Салгыны 7-тэ анаалыстаабыттар, ол түмүгүнэн буруоннай киртийии ПДКта улааппатаҕа биллибит.
