Бу күннэргэ, Чернышевскайдааҕы балык собуотун күүһүнэн, үтүө үгэс буолбут өрөспүүбүлүкэ ууларыгар балык ыаматын ыытыы үлэтэ саҕаланна, диэн иһитиннэрэр Айылҕа Харыстабылын министиэристибэтин пресс-сулууспата.
«Былырыын инкубацияҕа ууруллубут сииг көрүҥнээх балык искэхтэриттэн ыамалара тахсан эрэллэр», - диэн этиллэр иһитиннэриигэ.
Бүлүү өрүскэ түөрт мөлүйүөнтэн тахса сибиир күндүөпкэтин ыаматын ыыттылар, бу ыамалар улаатан истэхтэрин ахсын Өлүөнэ өрүскэ киириэхтэрэ. Ону таһынан, балык собуотун үлэһиттэрэ бу күннэргэ Вейс аппараааттарыгар (балык инкубациялыыр куолбалара) быраҥаатта балык ыамалара искэхтэн тахсалларын кэтэһэллэр.
«Өрөспүүбүлүкэ ууларыгар балык ыытар хампаанньаны биһиги бүтүн аан дойдутааҕы Эколог күнүгэр анаатыбыт», - диэн эттэ собуот дириэктэрэ Василий Черепанов уонна өрөспүүбүлүкэ ууларыгар балык үөскэтэргэ собуот сибиир хатыыһын, быраҥаатта, чыыр, сибиир күндүөпкэтин ыамаларын туһунарын туһунан эбэн эттэ.
