Ньурба улууһугар Маар нэһилиэгэр буола турар улахан ойуур баһаарын умулларыыга Дьокуускай куораттан эбии баһаарынайдар бөлөхтөрө көтүөҕэ, диэн иһитиннэрдилэр Айылҕа харыстабылын министиэристибэтин пресс-сулууспатыттан.
«Бу 7 «Якутлесресурс» уонна 12 «Авиалесоохрана» парашютист-десантниктара», - диэн чопчулаатылар пресс-сулууспаттан.
Министиэристибэ биллэрэринэн билиҥҥи туругунан нэһилиэккэ уот куттала суоһаабат, эвакуация оҥоһуллубат.
Саха сиринээҕи ЫБМС иһитиннирэрэринэн, Маар нэһилиэгиттэн биэс килэмиэтир тэйиччи икки ойуур баһаара холбоһон биир улахан уот буолан күдэпчилэнэр. Уоту умулларыыга 74 киһи тардылынна, бу «Авиалесоохрана» үлэһиттэрэ уонна олохтоох дьон.
“Нэһилиэк уонна уот икки ардыгар өрүс уонна икки күөл бааллар. Бу айылҕа бэйэтин көмүскэлэ буолар, онон нэһилиэнньэлээх пууҥҥа куттал суоһаабат”, - диэн бэлиэтээтилэр биэдэмистибэҕэ.
