Суһал ыстаап иһитиннэрэринэн, Арассыыйа ЫБММ-тин БЕ-200 амфибия-сөмөлүөттэн, бэҕэһээ, Сунтаар улууһугар күдэпчилэнэ турар баһаардарыгар 191 туонна уу кутулунна. Күн устата улууска икки баһаар умуруорулунна, кэтээн көрүү үлэтэ салҕанар.
Саха сиринээҕи Айылҕа Харыстабылын миниистирэ Сахамин Афанасьев биллэрэринэн, бүгүн күнүс 12 чааска, Мииринэй куорат аэропордугар Владивостоктан кэлбит 120 десантниктары көрсүөхтэрэ уонна Ньурба улууһугар ыытыахтара. 13 чааска Дьокуускай аэропордугар Хабаровскайтан 60 десантнигы көрсүөхтэрэ, кинилэр Үөһээ Бүлүү улууһугар ойуур баһаардарын умуллара айанныахтара.
