Бырабыыталыстыба бэрэссэдээтэлин солбуйааччы Дмитрий Садовников Сунтаар улууһугар баһаардарынан сибээстээн ЧС биллэрэр туһунан сорудахтаата. Инньэ гынан, улууска баһаардары бохсууга эбии күүстэр кэлиэхтэрэ.
Билигин Хороттон 5 км сиргэ улахан уоту умуллараллар, түүн устата уоту аччаттылар. Маны таһынан биир улахан баһаар Үөһээ Бүлүүгэ бэлиэтэнэр. Онно утары уоту ыыттылар, хойуу буруо бэлиэтэнэр. Томпо улууһугар Хандыга аттынааҕы баһаар умулунна, ол эрээри өссө биир уот күөдьүйбүт. Онно Якутлесресурс уонна лесхоз үлэһиттэрэ барбыттар.
