Саха сиринээҕи Гидрометцентр иһитиннэрэринэн, оптуорунньук күн, бэс ыйын 22 күнүгэр, Дьокуускайга быстах этиҥнээх ардах түһэрэ сабаҕаланар. Тыал хотугулуу арҕааттан сөкүүндэҕэ 4-9 миэтэрэ түргэннээх, этиҥҥҥэ күүһүрэн ылар кэмигэр сөкүүндэҕэ 15-20 миэтиргэ тиийэ күүһүрэн ылыан сөп, диэн тиэрдэллэр күнү-дьылы билгэлээн көрөөччүлэр.
Күнүс муҥутаан итийбит кэмигэр, салгын температурата 33-35 кыраадыс сылааска тиийиэ.
Бүгүн сарсыарда 7 чааска киин куоракка салгын 27 кыраадыс сылааска тиийэ итийдэ.
Ураты куйаас күннэр Дьокуускайга бэс ыйын 24 күнүгэр диэри салҕанан барыахтара. Синоптиктар бэлиэтииллэринэн, салгын температурата урукку дьыллары сэттэ кыраадыһынан быдан куоһарар. Дьокуускай куоракка уонна чугас эргин олус үрдүк V таһымнаах ойуур баһаарын куттала иҥэрилиннэ.