Киир

Киир

Саха сиринээҕи ИДЬМ пресс-сулууспата иһитиннэрэринэн,  сокуоннайа суох хатыыһы балыктаабыт 38 саастаах эр киһиэхэ тэриллибит дьыаланы суут көрбүт.

Хаҥалас улууһунааҕы ИДЬМ салаатын силиэдэбэтэлэ быһаарбытынан, буруйданааччы былырыын от ыйыгар Өлүөнэ өрүскэ илимнээн, бэрэмээттээн алта хатыыһы туттарбыт. Бу балыктар харыстанар, сыаналаах көрүҥнэргэ киирсэллэр. Эр киһи бултаабыт хатыыстарын бэйэтин гарааһын иһигэр хаһаанан уурбутун, полицейскайдар дьэгдьийэн булан ылбыттар.

Арассыыйа Федерациятын Холуобунай Кодексын 258 ыстатыйатынан, 1 пуунунан ( улахан хорумньуну таһаарбыт, харыстанар, сыаналаах балыгы сокуону кэһэн туран туттарыы) холуобунай дьыала тэриллибитэ. Ууга, айылҕа баайыгар оҥоһуллубут хорумньу 960 тыһ. тахса солк. тахса буолла, бу сууманы суттаммыт гражданин толору төлөөтө. Ону таһынан суут буруйданааччыны 80 чаас күһэлэҥ үлэлэргэ уураахтаата..

Маны таһынан, холуобунай ирдэбил үлэһиттэрэ гражданин бэйэтин гарааһыгар көлөпүнэттэн оҥоһуллубут гашиш арыытын кистии сытарын булбуттар. Уопсайа, 250 грамм марихуана былдьанна.

Арассыыйа Федерациятын Холуобунай Кодексын 228 ыстатыйатынан (наркотическай эбэтэр психотропнай эттиктэрдээх үүнээйилэри сокуоннайа суох дьиэҕэ илдьэ сылдьыы) сууттанааччыга икки сыл көҥүлүн быһыыга усулуобунай болдьох накаастабыл быһыытынан ананна.

Тарҕат:

Санааҕын суруй

Бүтэһик сонуннар