Күөх дуолбут барахсан улахан уокка былдьаммыта ыйтан орто. Айылҕа министиэристибэтэ иһитиннэрэринэн, от ыйын 5 күнүнээҕи туругунан, Саха сирин ойуурдарыгар уопсайа 294 814,5 гаа иэннээх сиргэ 91 баһаары умуллараллар.
Уопсайа 20 улууска уонна Дьокуускайга уонна уораты харыстанар айылҕа территориятыгар (ООПТ) баһаардар күүдэпчилэнэллэр: Абыйга - 1, Алдаҥҥа - 1, Үөһээ Бүлүүгэ - 4, Бүлүүгэ - 5, Горнайга - 14, Кэбээйигэ - 4, Ленскэйгэ - 4, Мэҥэ Хаҥаласка - 5, Намҥа - 1, Нерюнгрига - 1, Ньурбаҕа - 8, Өймөкөөҥҥө - 1, Өлүөхүмэҕэ - 2, Сунтаарга - 12, Тааттаҕа - 2, Томпоҕо - 2, Уус Алдаҥҥа - 1, УУс Майдаҕа - 4, Хаҥаласка - 11, Дьокуускайга - 1, "Өлүөнэ очуостара" ООПТ - 5.
Олортон уопсайа 26663 гаа иэннээх 19 баһаары умулларбыттар: Абыйга -1, Үөһээ Бүлүүгэ - 2, Бүлүүгэ - 1, Горнайга - 1, Кэбээйигэ - 2, Ленскэйгэ - 1, Мэҥэ Хаҥаласка - 1, Намҥа -1, Ньурбаҕа - 1, Сунтаарга - 3, Тааттаҕа - 1, Хаҥаласка - 3, Дьокуускайга -1.
Бүгүн АН-26 сөмөлүөт Горнай, Хаҥалас, Бүлүү бөлөх уонна Илин Эҥэр улуустарыгар оҥоһуу ардаҕы түһэриигэ үлэлиэҕэ.
Өрөспүүлүлүкэҕэ ЧС от ыйын 1 күнүттэн биллэриллэн турар, онон гражданнар ойуурга тахсыылара хааччахтанан турарын санатабыт.
