Брифинг кэмигэр өрөспүүбүлүкэ бэрэссэдээтэлин солбуйааччы Дмитрий Садовников иһитиннэрбитинэн, атырдьах ыйын 9 күнүнээҕи туругунан, Саха сиригэр ойуур баһаардарыгар балаһыанньа ыарахан. Билигин 72 баһаары умуллараллар. Онуоха 4097 киһи уонна 584 тиэхиньикэ үлэлиир.
Суукка устатыгар 3 баһаары умулларбыттар, 8 уоту тохтоппуттар, хомойуох иһин, эбии 4 баһаар күүдэпчилэммит. МЧС икки МИ-8 бөрөтөлүөтэ Кэбээйи Кальвицатыгар уонна Ытык Күөлгэ үлэлиир. Авиация маны таһынан Нам уонна Горнай улуустарыгар ууну ыһар. Өрөспүүбүлүкэҕэ Авиалесоохрана 50 парашютист- десантнига Тюмень уобалаһыттан, Ханты-Манси уокуругуттан көмөҕө кэлбиттэр.
Ордук хонтуруолга Сангаар, Кальвица, Сииттэ, Бэс Күөл, Нам Харыйалааҕын, Үөһээ Бүлүү Кырыкыйын уонна Хомустааҕын, Ытык Күөл, Уус Алдан Кыллаайытын уонна ТОмпо Ударнигын аттыгар умайар баһаардары ылбыттар.