Киин куораппытыгар билигин тыал соҕуруулуу-илинтэн үрэр, оттон тыал хотугулуу-арҕааттан хайысхатын уларытан үрэр түгэнигэр, Дьокуускайга Горнай. Нам, Кэбээйи баһаардарыттан эмиэ буруоннан бүрүллүөн сөбүн сэрэтэллэр. Билигин тыал сөкүүндэҕэ 4-9 м түргэннээхтик үрэр, салгы баттааһына +27+29 кыраадыс итии.
Киин улуустарга кураан, 10-15 м түргэннээх тыаллаах күннэр тураллар. Онон ЫБММ буруо хойдор түгэнигэр сэрэхтээхтик сылдьаргытыгар сүбэлиир, таһырдьа мээнэ быгымаҥ, түннүктэргитин саптыҥ, сүрэх, тыынар уорганнара ыарытыйар, дьарҕа ыарыылаахтар эмчит сүбэтин тутуһаргыт ордук.
Сарсын Дьокуускайга +29,+30 кыраадыс итии буолуоҕа, түүнүн +9,+11. Бу нэдиэлэ бүтүөр дылы куйаас күннэр туруохтара.
Сэҥээриилэр