Бырабыыталыстыба бэрэссэдээтэлин бастакы солбуйааччы Дмитрий Садовников брифинг кэмигэр бу сарсыардааҥҥы туругунан баһаар балаһыанньатын билиһининэрдэ.
Билигин Саха сиригэр 163 ойуур баһаара бэлиэтэнэр. Онтон 54-үн умуллараллар. Суукка устата 11 баһаары саба туппуттар, оччону умулларбыттар. Эбии 8 баһаар күөдьүйэн тахсыбыт.
Баһаардары умулларыыга 4741 киһи үлэлиир, 775 тиэхиньикэ сылдьар.
Буруоттан сылтаан авиация толору кыаҕын туһаммата. Үөһээ Бүлүү Далырыгар оборона министиэристибэтин бөртөлүөтэ үлэлээбит, 3 туонна ууну ыспыт. Бүгүн балаһыанньа тупсан авиация күүскэ үлэлиирин эрэнэллэр уонна Дьокуускайга базаланалларын кэтэһэллэр. Бу күннэргэ түспүт арах улаханнык абырабытын эттэ.