Киир

Киир

Аан дойдутааҕы тулалыыр эйгэ пуондатын пресс-сулууспата иһитиннэрэринэн, Горнай улууһугар баар “Сиинэ” айылҕа пааркатыгар харайыллан турар бизон үөрүн, баһаарынайдар ойуур баһаарыттан өрүһүйдүлэр.

Быыһааччылар бэлиэтииллэринэн, ойуур аарымалара бу соторутааҕыта, анал Саха сирин бырайыагынан атыылаһыллыбыт сэп-сэбиргэл баар буолан, этэҥҥэ быыһаннылар.

Ураты харыстанар сирдэр уонна айылҕа пааркаларын салайааччыта Яков Сивцев тиэрдэр: «Уот бизонарийы төгүрүйэн барбыта. Биэс, тастан кэлбит баһаар холбоһон биир кутталлаах уот буолбута. Биһиги уоту соҕуруулуу-илинтэн күөйбүппүт. Онтон тыал хайысхата уларыйан, арҕааттан үрбүтэ».

Кыл мүччү, бу кэмҥэ айылҕа пааркатыгар анал тиэхиньикэ кэлбит – «Сокол» вездеход уонна икки квадроцикл. Көмө кэлиитэ быһыыны-майгыны тосту уларыппыт. Уот, питомникка, 700 миэтэрэ чугаһыы сылдьыбыта диэн бэлиэтииллэр, оттон билигин сэттэ биэрэстэ тэйиччи бохсулунна.

Тарҕат:

Санааҕын суруй