Киир

Киир

Саха сиригэр ойуур баһаара 50-нан аччаата. Суукка устатыгар 439 тыһ. гаа иэннээх сиргэ 15 ойуур уотун умуллардылар. Бу туһунан ЫБММ (МЧС) Саха сиринээҕи сүрүннүүр управлениетын пресс-сулууспаата иһитиннэрэр.

"Нэһилиэнньэлээх пууннар аттыларыгар ойуур уота бэлиэтэммэт, куттал суоһаабат. Билигин нэһилиэктэртэн 10 км чугас сиргэ 5 баһаар бэлиэтэнэр, онтон 3 ойуур уотун боҕустулар. ЫБММ исписэлиистэрэ Уус Майда, Хаҥалас уонна Чурапчы улуустарыгар үлэлииллэр. Дьокуускайтан эбии СПСЧ бааһарынай чааһыттан Уус Майда улууһун Петропавловскай сэлиэнньэтигэр көмөҕө бардылар", - диэн ЫБММ Саха сиринээҕи салаатын начаалынььыга Павел Гарин кэпсээбит.

Бэҕэһээ күн устата ЫБММ авиацията Уус Майда уонна Хаҥалас улуустарыгар үлэлээбит, 369 туонна ууну ыспыт,  онуоха 153 киһи көһөрүллэн үлэлээбит. Бүгүн авиация Эльдикан, Петропавловскай уонна "Өлүөнэ очуостара" айылҕа пааркатын чугаһыгар үлэлиэҕэ. Баһаары умулларыыга 2,2 тыһ. киһи кыттар, 287 тиэхиньикэ үлэлиир.

 

Тарҕат:

Санааҕын суруй