Бу икки күн, 9 уонна 10 чыыһылаларга Сахабыт сирин киин куоратыгар сылаас халлаан туруоҕа. Бу туһунан Саха сиринээҕи Гидрометцентр иһитиннэрэр.
«Сэтинньи 9 күнүгэр өрөспүүбүлүкэбитигэр кыра хаар түһүөҕэ, соҕурууттан тыал 3-8 м/с буолуоҕа», - диэн иһитиннэриигэ суруллубут.
Салгын температурата күнүс -4-6° буолуоҕа.
Бүгүн сарсыарда алта чааска Дьокуускайга -10 кыраадыс буолбут эбит.
Күнү-дьылы кэтээн көрөөччүлэр этэллэринэн, сэтинньи 10 күнүгэр киин оройуоннарга 0 кыраадыстан -5-кэ диэри сылыйыы турара күүтүллэр уонна кыра хаардаах, мөлтөх тыаллаах буолар.
Киин оройуоннарга нуорматтан хадьайар сылаас халлаан туругун Красноярскай кыраайтан уонна Монголияттан кэлбит циклоннар аҕалбыттар. Сотору кэминэн бу сылаас маассаны сибиирдээҕи антициклон үүрүөхтээх, оччоҕуна Сахабыт сирин тымныы кыһына эргийиэхтээх.
