Сунтаар улууһун олохтоохторо Бүлүү өрүскэ кугас өҥнөөх тааҥ үөскээбититтэн долгуйдулар. Ураты сылаас күннэр турбуттарын түмүгэр, Сунтаар улууһугар өрүскэ кугас тааҥ үөдүйбүтэ. Маҥан хаарга уу өҥө чопчу саһархайдыҥы-кугас буолан көстөр эбит.
Тааҥ маннык өҥнөнөрө килиимэттэн уонна гидрологическай тутуулар дьайыыларыттан сылтаан тахсыан сөп.
Тымныы күннэргэ элэктэриичистибэ эниэргийэтин кытта гидроэлектростанцияларга ууну туттуу эмиэ улаатан биэрэр. Маҥнайгы тымныйыылар уонна хойукку муус туруутун кэннилэриттэн, Сунтаар улууһугар күүстээх хаар түһүүтэ бэлиэтэммитэ, бу Бүлүү өрүһүн үгүс учаастагар тааҥ үөскүүрүгэр көдьүүс буолбута.
Сунтаардааҕы судаарыстыбаннай экологическай кэтээн көрүү иниспиэксийэтин госинспектордара ууттан боруобалары ылан баран Дьокуускай куоракка экологияни кэтээн көрүү Аналитическай киинигэр лабаратыарыйаҕа чинчийиигэ ыыттылар.
Сэҥээриилэр