Киир

Киир

Бу нэдиэлэ бүтүүтэ Дьокуускайга маҥнайгы туманнар түһүөхтэрэ, салгын кыраадыһа -39 диэри тымныйыа. Бу туһунан Саха сиринээҕи туталыыр эйгэ гидрометеорологиятын уонна кэтээн көрүүтүн бырабылыанньатын (ЯУГМС) салайааччыта Татьяна Маршалик News.Ykt.Ru иһитиннэрбит.

«Баскыһыанньаҕа уонна бэнидиэнньиккэ -34-39 кыраадыс буоларын сабаҕалыыбыт. Бастакы туманнар тымныы буолуохтара. Биһиэхэ улахан парниковай эффект бэлиэтэнэр – хас да мэндиэмэннээх дьиэлэр, массыыналар, хочуолунайдар бааллар. Эрдэ туман -40 кыраадыска үөскүүр эбит буоллаҕына билигин -35-36 тымныыга үөдүйэр, тоҕо диэтэр элбэх тахсар эттик баар», - диэн Маршалик бэлиэтиир.

Специалист этэринэн, Саха сиринээҕи туталыыр эйгэ гидрометеорологиятын уонна кэтээн көрүүтүн бырабылыанньата атын халлаан туругун кэтээн көрөр федеральнай тэрилтэлэр курдук уһун болдьоххо күн-дьыл сигилитин билгэлээбэт.

«Росгидромет» аахпытынан, дойду үрдүнэн уопсайынан күн-дьыл 5-7 кыраадыһынан үрдүк буолуо эрээри бу биһиэхэ кыһыммыт сылаас буолуохтааҕын мэктиэлээбэт. Сорохтор олус түргэнник көнөллөр, кинилэр эһиэхэ ый иннигэр күн-дьыл туругун этиэхтэрэ, онтон төттөрү көннөрүнүөхтэрэ. Түмүккэ кинилэр сабаҕалааһыннара 50% сөп, эбэтэр итинтэн кыра буолар. Биһиэхэ 40-50 кыраадыстаах тымныылар буолуохтара, ордук чуолаан өрүс уҥуор оройуоннарга туруоҕа», - диэн Маршалик этэр.

Кини сибидиэнньэтинэн, ахсынньы ыйга Саха сирин киин сиригэр күн-дьыл туруга орто сиэринэн буолуоҕа.

Тарҕат:

Санааҕын суруй