Приморскай кыраайга, Айылҕа харыстабылын исписэлиистэрэ сэттэ ыты туппут баабыры тоһуурга киллэрэн тутан, дьоҥҥо суоһаабат куттала суох сиргэ ыыттылар.
Сиэмэх атыыр, үс саастаах кыыл буолара билиннэ. Айылҕа харыстабылын үлэһиттэрэ адьырҕаҕа анал моойторук кэтэртилэр. Бу ньыманан биологтар кыыл ханан сылдьан ыырданарын кэтээн көрүөхтэрэ.
«Амурский тигр» киин пресс-сулуупата иһитиннэрэринэн, баабыр бүтүн икки нэдиэлэ устата Приморскай кыраай, Пожарскай оройуонун иһигэр сэттэ ыты өлөрбүт. Дьон-сэргэ олорор түөлбэлэригэр кэрээнэ суох киирэн дьоҥҥо-сэргэҕэ, дьиэ харамайыгар улахан кутталы үөскэппит.
Тиһэҕэр, исписэлиистэр адьырҕаны угаайыга киллэрэн тутан, баабыры дьон олорор сириттэн ыраах, чиэски сиргэ илдьэн көҥүлгэ ыытарга күһэллибиттэр.
Баабыры «Зов тайги» диэн ааттаах национальнай паарка эргин ыыттылар. GPS даатчык көмөтүнэн учуонайдар сиэмэх кыыл дьон олорор сиригэр ыкса чугаһаабытын диэн кэтээн көрүөхтэрэ.
