Маннык үтүө уураах бүгүҥҥэттэн олоххо киирдэ. Арассыыйаҕа кииттиҥи харамайдары, ол эбэтэр дэлпииннэри, кииттэри, косаткалары, белухалары уонна муора сибиинньэлэрин бырамыысаланнас быһыытынан уонна биэрэктэн тутууну боптулар. Маннык уурааҕы astv.ru кэпсиир.
Росрыболовство аналлаах кубуота эрэ биэрдэҕинэ, муора харамайдарын бултаһыахтара. Бу уураах этэринэн, ураты экономическэй зонаҕа муора кыылларын тутуу хааччахтанар уонна бобуллар.
Арассыыйа Судаарыстыбаннай дууматын экологияҕа, айылҕа ресурстарын уонна тулалыыр эйгэҕэ кэмитиэтин бэрэссэдээтэлин солбуйааччы Владимир Бурматов этэринэн, инникитин култуурнай-сырдатар соруктаах муора харамайдарын тутууга эмиэ бобуу көрүллүөхтээх. Бу Приморьеҕа киит хаайыытын үөдүйүүтүгэр төрүөт буолар, онно белухалары уонна косаткалары култуурнай-көрдөрөр сорукка «туһанаары» тутаттыыллар эбит (чахчыта, дьиҥинэн, биллибэт).
