Кэбээйи улууһун, Сангаар бөһүөлэгин кытыытыгар үс тайах мэччийэ сылдьар. Ааспыт сайын, бу эргин турбут өрт уота аар тайҕа аарымаларын аһыыр ыырдарын суох оҥорон, туйахтаахтар оттоох-мастаах дьон олорор сиригэр чугаһыырга күһэллибиттэр.
Кэбээйи улууһунааҕы Айылҕа Харыстабылын инспекциятын салайааччыта Дмитрий Грузных бэлиэтииринэн: "Тайахтарга быйыл ыарахан дьыл. Аһыыр астара барыта кытарарга былдьаммыта. Биһиги бу үс кыылы өссө быйыл күһүҥҥүттэн кэтэбилгэ ылбыппыт, харыстыыбыт. Бэтэрээ үрэххэ киирэн кыстаатылар. Билигин дьон олорор сиригэр өссө ордук чугаһаатылар. Бу кинилэргэ кутталлаах. Социальнай ситимнэринэн бу туһунан түргэнник тарҕанан, араас иҥсэлээх браконьердар сиэртибэлэринэн буолан хаалыахтарын сөп. Ол иһин биһиги кинилэри харахпыт далыгар илдьэ сылдьабыт".
Тайаҕы сокуоннайа суох бултааһын, РФ УК 258 ыстатыйатынан - 1 мөл. тиийэ ыстарааптанар эбэтэр 5 сылга тиийэ көҥүлү быһыынан.
