Сааспыт салгына биллэн, үгүс оройуоммутугар халлаан туруга сылаас. Ол эрээри, сарсыардааҥҥы дьыбар сорох улуустарга бэйэтин тымныытын биллэрэр.
Ол курдук, өрөспүүбүлүкэбитигэр арҕаалыы-соҕуруу өттүгэр сарсыардатын кыһыҥҥылыы тымныы эбит – Сааскылаахха уонна Жилиндаҕа -33°, Күһүргэ -32°, оттон Бэстээх фиэрмэтигэр -30°.
Аны туран, тымныы полюһун былдьаһар улуустарбытыгар салгын тэмпэрэтиирэтэ сылыйбыт – Үөһээ Дьааҥыга -22°, Өймөкөөҥҥө -21°.
Салгыы көрөн истэххэ, Черскэйгэ -4°, Өлүөхүмэҕэ уонна Учурга -9°, Алдаҥҥа -10°, Ленскэйгэ -13°, Витимҥэ -14°. .
Өрөспүүбүлүкэ улахан аҥаарыгар кыра хаардаах. Халымаҕа, илин кытылыгар сорох сиринэн 9-14 м/с тыаллаах тибиилэрдээх.
Түүн салгын тэмпэрэтиирэтэ -20-25°, хоту, Үөһээ Дьааҥы сиринэн -32-37°, Халымаҕа -13-18°. Соҕуруулуу-арҕаа -5-10°. Күнүс салгын кыраадыһа -3-8°, хоту -11-16°, оттон соҕуруулуу-арҕаа 0,-5°, Халыма алларытан 0,+5°.
Дьокуускайга сарсыарда -15°, аэруопорт оройуонугар -19°. Сөҥүүтэ суох, арҕааттан 2-5 м/с тыаллаах, күнүс салгын тэмпэрэтиирэтэ -3-5°.
Источник: ЯУГМС саайта.