Элбэх массыына тохтоон, үгүс дьон сынньанан ааһар Хаҥалас улууһун кыраныыссатын аан суругун аттыгар Тумул, Өктөм, Төхтүр, Хачыкаат, Тиит-Эбэ уонна Покровскай куорат ыччата мустаннар сири-уоту хомуйдулар, хаартан ыраастаатылар. Ол түмүгэр хас эмэ уонунан куул пластик иһит, бытыылка, салапаан бакыат хомулунна.
«Биһиги ыччаты тус холобурбутунан айылҕаны харыстыырга, бөҕү-саҕы ыспакка, хомуна сылдьарга үөрэтиэхпитин баҕарабыт. Оччоҕо улууспут сирэ-уота ыраас, айылҕата чөл буолуоҕа», - диэн «Хаҥалас улууһа» МТ дьаһалтатын ыччат бэлиитикэтигэр салаатын үлэһитэ Василий Васильев санаатын эттэ.
