Киир

Киир

Мииринэйдээҕи айылҕа харыстабылын кэмитиэтин үлэһитэ Егор Сыромятников «Кыым.ру» кэрэспэдьиэнигэр биллэрбитинэн, оройуоммутугар саамай кутталлаахтарынан Удачнай аттыгар уонна Айхалтан соҕуруу – Киэҥ-Үрэххэ, ону сэргэ Бүлүү муоратын арҕаа эҥэригэр тахсыбыт ойуур баһаардара буолаллар.

Киэҥ-Үрэх Айхалтан отут биэрэстэ тэйиччи сытар.

Онно мастаах туундара хатан турар ыарҕата умайар.

Эколог Егор Сыромятников этэринэн, Сунтаартан кэлбит ойуур баһаардарын кытары охсуһар этэрээт дьаныһан туран киирсиһэ сылдьар.  

Удачнай аттынааҕы ойуурдаах туундара кытыастыытын “авиалесоохраналар”, волонтердар уонна олохтоох баһаарынай сулууспа байыастара баһаар кыаҕын ыла илигинэ тахсан төгүрүттүлэр. Уот туруутун саба баттааһын кэнниттэн көрдүгэнниирин кэтиир оруннаах.

Бэс ыйын 22 күнүттэн ылата Бүлүү муоратын арҕаа эҥэрин тыата умайда. Даҕатан эттэххэ, мантан чугас Иркутскай уобалас Катанга оройуонун сиригэр киэҥ сиргэ ойуур умайар. Уот өрө ыстанан, хаппыт мастары хадьырыччы сиэн, үөһээҥҥи (“Верховой”) баһаар Мииринэй оройуонун сиригэр кэлэр куттала баар. Иркутскай уобалас диэки Ичода үрэх тыата куруук умайара кыайтарааччыта суох.

Балаһыанньа кытаанаҕын учуоттаан, Бүлүү муоратын арҕаа эҥэригэр уоту умуруорааччылар эбии этэрээттэрэ ыытыллыан наада. Мииринэй оройуонугар, былырыыҥҥы ойуур баһаардара, алдьархайдаах хоромньуну таһааран тураллар. Быйыл оннук эрэ буолбатын.

Станислав Алексеев. Мииринэй куората.

Тарҕат:

Санааҕын суруй

Бүтэһик сонуннар

Полина Гагарина