Киир

Киир

СӨ оперативнай ыстааба иһитиннэрбитинэн, ааспыт сууккаҕа 641,5 га иэннээх сиргэ буола турар 6 ойуур баһаарын умуруорбуттар. Авиация уонна космостан мониторинг көмөтүнэн өссө 868 га иэннээх сиргэ  иэннээх сиргэ 3 ойуур баһаарын булбуттар.  

От ыйын 3 күнүнээҕи туругунан, барыта 38562,5 га иэннээх сиргэ  36 ойуур баһаара бара турар, олортон 12-тин умуруора сылдьаллар. Манна 440 киһи уонна 15 тиэхиньикэ үлэлииллэр.

«Авиалесоохрана» тэрилтэ «Циклон АН-26» зондировщига Уус Майа уонна  Алдан оройуоннарыгар ирдэнэр дьайыылары оҥорбут.

Нерюнгри, Алдан, Өлүөхүмэ, Мииринэй оройуоннарыгар ааспыт сууккаҕа күүстээх этиҥнэр эппиттэр. ИСДМ-Рослесхоз көрдөрүүтүнэн, саамай үрдүк IV кылаастаах баһаар Амма, Ньурба, Чурапчы улуустарыгар турара сабаҕаланар.

Ааспыт сылга баччаларга 813 331,37 га иэннээх сиргэ  803 ойуур баһаара бэлиэтэммит буоллаҕына, быйыл уот өттүнэн кутталлаах кэм саҕаланыаҕыттан 115 104,6 га иэннээх сиргэ 219 ойуур баһаара бэлиэтэммит.

Билигин регион таһымыгар ыксаллаах быһыы-майгы режимэ олохтонон турар. Муниципалитет таһымыгар Мииринэй, Томпо, Уус Майа оройуоннарыгар биллэриллибитэ.  

Бырабыыталыстыба 2022.07.02 күнүнээҕи 391№-дээх дьаһалынан,  бу кэмҥэ ойуурга тахсан сынньанар кутталлаах, уот оттор бобуулаах диэн санатабыт.  

Сонун төрдө: CӨ Бырабыыталыстыбатын уонна Ил Дарханын пресс-сулууспата

Тарҕат:

Санааҕын суруй