Киир

Киир

Бу - Оччугуй Ботуобуйа үрэх. Алмаас хостуур дыраагалар будулутар Иирэлээх үрэхтэриттэн үөһээ сытар сир. Онон уута син ыраас. Кыра сүүрүктээх.

Үкэр куйаас буолла да, Мииринэй куорат олохтоохторо массыыналарынан ол диэки сүүрбэ биэс биэрэстэни аахсыбакка элээрдэллэр. Маайыскай диэн урукку геологтар эспэдииссийэлэрин учаастагын аатын ылбыт, сүрдээх үчүгэй, кырылас кумахтаах кытыллаах сөтүөлүүр, күн уотугар дьон сыламнаан дуоһуйар миэстэтэ.

IMG 20220704 WA0004 

Иирэлээх үрэххэ холоотоххо, уута толору, хара тыатыттан. Дьон сөтүөлүүрүгэр анаммыт курдук. Дириҥэ суох. Ортотугар уута - орто уҥуохтаах киһи түөһүн тылынан. Сөтүөнү ахсарбат буоллаххына, баһаалыста эрэһиинэ оҥочонон эбэтэр ууга дагдайар маатынан уһун. Эбэтэр күн уотугар сыламнаа. 

Бу күннэргэ Мииринэйгэ сүрдээҕин итийэ сырытта. Баскыһыанньа күн, отут үс кыраадыска диэри куйаас сатыылаан, мэктиэтигэр "төбөбүт буруолуу сыста". Хата Маайыскай сөтүөлүүр сиригэр, Оччугуй Ботуобуйа ыаммытынан үүт курдук сылаас уутугар дьон-норуот чомполонон сөрүүккээтэ ахан. Абыранныбыт, сынньанныбыт. Махтал эйиэхэ Маайыскай!

Станислав Алексеев. Мииринэй куората

 

Тарҕат:

Санааҕын суруй

Бүтэһик сонуннар