Киир

Киир

Сир көҕөрүөҕүттэн Саха сиригэр 539 киһини, ол иһигэр 119 оҕону клещ ытырбыт.

Олортон 14 түбэлтэ тастан киирии – Иркутскайтан, Амыртан, Забайкалье, Алтаай уонна Хабаровскай кыраайдарыттан. Ленскэй улууһугар –183, Алдаҥҥа – 99, Нерюнгрига – 79, Өлүөхүмэҕэ, Сунтаарга – 40, Хаҥаласка – 22, Мииринэйгэ – 11, Ньурбаҕа – 9, Чурапчыга – 6, Аммаҕа, Бүлүүгэ – 5, Үөһээ Бүлүүгэ, Горнайга, Мэҥэ Хаҥаласка – 3, Дьокуускайга 31 киһи ытыртарбыт.

Эмсэҕэлээбит 539 киһиттэн 12 эрэ киһи быһыылаах эбит, 360 киһиэхэ, ол иһигэр 82 оҕоҕо клеһи утары иммуноглобулинынан серопрофилактика оҥоһуллубут.

Роспотребнадзор Саха сиринээҕи салаата иһитиннэрэринэн, өрөспүүбүлүкэҕэ 4 клещ боррелиоһа бигэргэммит. 2 түбэлтэ – Нерюнгрига, биирдии – өлүөхүмэҕэ уонна Ленскэйгэ, маны таһынан 1 клещ вирустаах энцефалита Нерюнгрига тахсыбыт.

Клещ вирустаах энцефалитыттан Саха сиригэр 4330 киһи быһыыны ылбыт, ол иһигэр 538 оҕо. Дьокуускайга, Алдаҥҥа, Бүлүүгэ, Ленскэйгэ, Мииринэйгэ, Нерюнгрига, Хаҥаласка, Өлүөхүмэҕэ, Мэҥэ Хаҥаласка, Намҥа, Ньурбаҕа, Уус Алдаҥҥа уонна Чурапчыга уопсайа 41,9 гаалаах сири клещтэн эмтээбиттэр.

Тарҕат:

Санааҕын суруй

Бүтэһик сонуннар

Полина Гагарина