Саха сиригэр саҥа үүммүт үлэ нэдиэлэтэ сороҕор силбиктээх, сөрүүн буолара күүтүллэр. Холобура, Кэбээйи улууһугар уонна хоту улуустарга 15-18 м/с түргэннээх күүстээх тыал түһүөҕэ. Эрэгийиэҥҥэ салгын орто температурата +5… +10, оттон Дьокуускай куораппытыгар +6... +15 буолуоҕа. Бу туһунан, Саха сиринээҕи гидро-метео-сулууспа салалтата иһитиннэрэр.
Саха сирин киин, илиҥ эҥэр улуустарыгар үс күн устата ардаҕа суох буолара күүтүллэр. Соҕуруулуу-илин, соҕуруу, соҕуруулуу-арҕаа кылгас ардахтар түһүөхтэрэ. Оттон атын сиргэ-уокка улахан күүһэ суох, ибиирэр ардахтар тиийиэхтэрэ.
Тыал орто күүстээх буолуоҕа. Кэбээйи оройуонугар уонна хоту улуустарга тыал 15-18 м/с буолара күүтүллэр. Салгын орто температурата +5... +10 кыраадыска диэри халбаҥныаҕа. Хотугулуу-илин - +13, оттон хотугулуу-арҕаа – 0... +5 буолуоҕа. Күнүс кыраадыс +15... +20, Өлүөнэ алын тардыытынан - +10... +15, хотугулуу-арҕаа - +4... +9 буолара сабаҕаланар.
Арассыыйа Гидромет. киинэ иһитиннэрэринэн, Дьокуускайга саҥа үүммүт үлэ нэдиэлэтэ былыттаах буолар. Бэнидиэнньиккэ, атырдьах ыйын 22 күнүгэр сорох сиринэн былыттаах эрээри, сөҥүү түһэрэ күүтүллүбэт. Күнүс салгын кыраадыһа - +17, түүн - +6. Тыал арҕааттан 3-5 м/с түргэннээхтик үрэр.
Атырдьах ыйын 23 күнүгэр, сороҕор кыра ардах түһэрэ күүтүллэр. Күнүс халлаан туругун кэтээн көрөөччүлэр иһитиннэрэллэринэн, салгын +14 сылаас, түүн +7 буолуоҕа. Тыал арҕааттан 3 м/с үрэр.
Атырдьах ыйын 24 күнүгэр, сэрэдэҕэ, ардах түһэрэ күүтүллэр. Салгын температурата +6 +11 кыраадыска диэри халбаҥныаҕа. Тыал хотугулуу-арҕааттан, сороҕор арҕааттан 4 м/с түргэннээхтик үрүө.
Атырдьах ыйын 25 күнүгэр, ардахтар түһэн бүтүөхтэрэ. Күнүс салгын температурата +15, түүн +6 буолуо. Тыал арҕааттан 3-5 м/с түргэннээхтик үрүө.
Бээтинсэҕэ, атырдьах ыйын 26 күнүгэр сөҥүү түһэрэ күүтүллүбэт. Күнүс салгын температурата +15, оттон түүн +6 кыраадыс буолуоҕа.
