Киир

Киир

Быйыл Саха сиригэр, күөх тыаны чөлүгэр түһэрэр Бүтүн Арассыыйатааҕы «Сохраним лес» аахсыйа чэрчитинэн, барыта 10 тыһ. маһы олордуохтара. Ол туһунан аахсыйаны төрдүс төгүлүн тэрийэр СӨ Экологияҕа, айылҕа ресурсатын туһаныыга уонна ойуур хаһаайыстыбатыгар министиэристибэтин пресс-сулууспата суруйар. Бу аахсыйаҕа ким баҕалаах кыттыһыан сөп.

 Саха сиригэр олордуллуохтаах бэс үнүгэстэрин Хабаровскай кыраай  «Растим лес» хампаанньатын маһы үүннэрэр питомнига биэрэр. Бүгүҥҥү туругунан,  Нерюнгри оройуонугар 500 гектартан тахса иэннээх сиргэ хайыы үйэ мөлүйүөнтэн тахса бэһи олордубуттар. Үнүгэстэр, саҥа сир өҥ буорун сөбүлээн, үчүгэйдик үүнэн тураллар.  

Мас үүннэрэр питомниктар өссө Нам уонна Өлүөхүмэ улуустарыгар бааллар. Манна сылга 730 тыһ. үнүгэс олордуллар кыахтаах. Маны сэргэ Хаҥалас улууһугар 2 гектар иэннээх сиргэ мас үүннэрэр саҥа питомник арыллыахтаах. Мантан сылга 2 мөл. үнүгэһи ылар сорук турар.  

Мас үүннэрэр питомниктары уот ылбыт ойуурдарын чөлүгэр түһэрээри, куораттары уонна ото-маһа суох нэһилиэнньэлээх пууннары көҕөрдөөрү тэрийэллэр. Бүтүн Арассыыйатааҕы  «Сохраним лес» аахсыйа национальнай «Экология»  бырайыак тосхолунан ыытыллар.

Сонун төрдө: https://сохранимлес.рф/

Тарҕат:

Санааҕын суруй