Олунньу 10 күнүгэр М.К. Аммосов аатынан ХИФУ үөрэнэр куорпуһугар саха тылын истилиистикэтин уонна нууччалыы-сахалыы тылбаас хаапыдыратын уонна “Күөрэгэй” түмсүү тэрийиилэринэн “Күөрэгэй FEST” диэн бэрт сэргэх тэрээһин буолан ааста.
Бу тэрээһин Төрөөбүт тыл, сурук-бичик күнүн чэрчитинэн ыытылынна. Манна Масаха Мэхээс, Aidynate, Любовь Готовцева, Паулина Турмэль, Umnullubat Live, Марианна Сиэгэн, Аман Анхаров, Raya Rays, Saysaqa, «Күн» түмсүү курдук биллэр-көстөр дьон тус санааларын, бырайыактарын, тыл суолтатын эдэр ыччака, устудьуоннарга кэпсээтилэр.
“Биһиги түмсүүбүт 2019 сыллахха тэриллибитэ. Араас интэриэһинэй тэрээһини ыытан кэллибит. Быйыл эдэр ыччакка аналлаах тэрээһин ыытыахпытын наһаа баҕарар этибит, хата экчи саха тылын истилиистикэтин уонна нууччалыы-сахалыы тылбаас хаапыдырата маннык бэстибээли ыытыахха диэн тыл бырахпыттарыгар тута сөбүлэспиппит. Бүгүн кэлэ сылдьыбыт оҕолор туох эмэ саҥаны биллилэр ини диэн эрэнэбит, кинилэргэ кыра даҕаны иэйии киирбит буоллаҕына, үөрэбит”, – диэн “Күөрэгэй” түмсүү кыттыылааҕа Алла Ноговицына эттэ.
Татьяна ЖАНЧИКОВА.
