Судаарыстыбаннай уонна дьиҥ таһымнаах тыллары харыстыыр уонна сайыннарар тосхол иитинэн Саха сиригэр 50 кэриҥэ бырайыак олоххо киирэр. Олор истэригэр үүнэр көлүөнэҕэ төрөөбүт тылы үөрэтэр уонна тарҕатар ИТ-бырайыактар бааллар.
Куонкурус түмүгүнэн судаарыстыбаннай үбүлээһини 4 бырайыак ылбыта. Биир оонньуу хайыы сахха ырыынакка тахсыбыт. Ол курдук, Google Play платформаҕа «Алаас: Холодные земли» оонньууну тыһыынчаттан тахсата хачайдаабыттар. Манна Саха сирин 18-19 үйэтинээҕи олоҕо көстөр. 10-12 саастаах уолчааны эһэлээх эбэтэ төрүт дьарыкка үөрэтэллэр уонна үлэҕэ уһуйаллар.
Саха сирин төрүт тылларын учуутала суох үөрэтэр сыһыарыы (самоучитель) сүрүн билиини ылыан уонна тыл баайын хаҥатыан баҕалаахтарга анаммыт. Платформа хардарыта дьайыылаах уруоктардаах, тургутуулардаах уонна эбии туһанар матырыйааллардаах.
Тохсол иитинэн өссө оҥоһуу өйү саха тылыгар үөрэтэргэ дьон куолаһын хомуйар voice.nlrs.ru платформа–былаһаакка баар. Манна тылы билэр баҕалаан дьон кыттыахтарын сөп. Сорох волонтёрдар тиэкиһи ааҕаллар, онтон атыттар ааҕыллыбыт быһа тардыыны бэрэбиэркэлээн сыана туруораллар.
Ити курдук барыта 12 323 куолаһы уһуллулар, мантан бэрэбиэркэлэммитэ – 11 440. Салгыы оҥоһуу өй тиэкистэри тылбаастыыр, саҥарар уонна ис хоһоонун аттарар кыахтаныа. Бу үлэни Арктикатааҕы култуура уонна ускуустуба института уонна СӨ Национальнай бибилэтиэкэтэ кыттыһан оҥороллор.
Сонун төрдө: CӨ Бырабыыталыстыбатын уонна Ил Дарханын пресс-сулууспата
