СӨ Национальнай бибилэтиэкэтин үлэһиттэрэ оҥоһуу өйү сахалыы саҥарарга уонна суруйарга үөрэттилэр. Бу – «САҤА-СУРУК/SPEECH TO TEXT/РЕЧЬ В ТЕКСТ» диэн ааттаах бот буолар. Маны туһанан сахалыы саҥаны сурукка киллэрэр кыах баар буолла. Боту бу https://t.me/nlrs_stt_botсигэнэн киирэн тургутуохха сөп.
Бот тылы үөрэтэр уонна күннээҕи олоххо туһанар дьоҥҥо саҥа кыахтары арыйар. Ордук суруйар үлэлээх уонна мөлтөхтүк көрөр дьону абырыыр чинчилээх. Холобура, суруналыыс репортаж тиэкиһин ботка тылынан этэн кэбиһиэн сөп курдук. Оттон мөлтөх харахтаах киһи дьону кытта суруйсууттан саҕалаан тугу баҕарар айар-тутар кыахтаныыһы.
Бибилэтиэкэ өссө суругу саҥарар саҥаҕа уларытар «Истиҥ» диэн оҥоһуу өйү айбытын санатабыт. Бу ньыма көмөтүнэн Николай Лугинов «Чыҥыс Хаан ыйааҕынан» сэһэнэ уонна Василий Яковлев «Кытта кырдьыбыт тэҥкэ тиит» кэпсээнэ ааҕыллан саайтарыгар угуллан тураллар. Ити курдук «ИИ сахалыы ааҕар» кэллиэксийэ хаҥыы туруохтаах: https://new.nlrs.ru/collections/5144.
P.s. Тус бэйэм киирэн саҥаран көрдүм уонна улаханнык бэркиһээтим. Балай эмэ сөпкө суруйан таһаарбытыттан. Тыастаах-уустаах сиргэ олорон уһултарбыт буоламмын дуу, саҥам чуолкайа суоҕуттан дуу, аҕыйах сыыһаны оҥорбут.
Сонун төрдө: CӨ Национальнай бибилэтиэкэтэ
