Киир

Киир

Ааспыт икки сыл иһигэр өрөспүүбүлүкэ мобильнай быраастара уустук суоллаах-иистээх бөһүөлэктэргэ сылдьан 280 тыһыынчаттан тахсата дьон-сэргэ туругун көрдүлэр. Быйыл кинилэр сылдьар ыырдара өссө кэҥиэхтээх.

“Өрөспүүбүлүкэтээҕи мобильнай биригээдэлэр кииннэрэ” ураты бырайыак олоххо киирбитэ икки сыл буолла. Бу икки сыл иһигэр быраастар күүскэ үлэлээтилэр, түмүгэ киһини сөхтөрөр! Аҕыйах чахчыны холобурдаатахха: быраастар сөмөлүөтүнэн-бөртөлүөтүнэн барыта 196 тыһыынча килэмиэтири көттүлэр, массыынанан – 30-тан тахса тыһыынча килэмиэтири айаннаатылар, 70 тыһыынча ыарыһаҕы көрдүлэр, исписэлиистэргэ 280 тыһыынча кэриҥэ киһи сырытта, онтон 25 тыһыынчата – оҕо. Аҥаардас 2024 сыллаахха 58 тыһыынчаттан тахса билгэлиир чинчийии оҥоһулунна. Быраастар Арктика улуустарын нэһилиэктэригэр барытыгар уонна атын улуустарга 57 нэһилиэнньэлээх пууҥҥа сырыттылар”, – диэн Ил Дархан Айсен Николаев телеграм-ханаалыгар суруйар.

Кини этэринэн, быйыл биригээдэ сылдьар ыыра кэҥиэхтээх – урукку морсуруукка уонча улуус эбиллиэхтээх.

Бэй.кэр.
Хаартыска: колымскаяправда.рф

Санааҕын суруй

Бүтэһик сонуннар