Олунньу 9 күнүнээҕи туругунан, Саха сиригэр салгынынан тарҕанар инпиэксийэҕэ 7169 киһи сутуллан ыалдьыбыт, судургутук эттэххэ, ОРВИ-лаабыт. Ити ол иннинээҕи нэдиэлэ көрдөрүүтүттэн 8%-нан үрдүк. Дьаҥ-дьаһах көҥүл дьаарбайарын туһунан Роспотребнадзор Саха сиринээҕи тэрилтэтэ иһитиннэрэр.
Лабаратыарыйа чинчийиилэрэ көрдөрбүттэринэн, сүрүннээн кириип, тумуу уонна хоруона вируһа баар эбит. Уопсайынан, киһини тыҥатынан-иһинэн киирэр ыарыылар.
Ааспыт нэдиэлэ түмүгүнэн, икки оскуола уонна биир уһуйаан оҕолорун 20% ыалдьан, бүтүннүү харантыыҥҥа барбыттара. 39 араас оскуолаҕа барыта 103 кылаас уонна 19 уһуйааҥҥа 21 бөлөх сабыллыбыттара. Онон, доҕоттор, дьонноох-сэргэлээх сиргэ мааскаланыҥ, таһырдьа төһө да тымныы буоллар, кэмиттэн-кэмигэр дьиэҕитин-уоккутун салгылатыҥ, ыалдьымаҥ-ахсаамаҥ.
