Саха сирин мобильнай быраастара ааспыт алта ый иһигэр 51 төгүл уустук суоллаах-иистээх уонна ыраах нэһилиэнньэлээх пууннарга сылдьыбыттар. Мэдиссиинэ өҥөтүн 24 тыһыынчаттан тахса киһи туһаммыт. Ол туһунан СӨ доруобуйа харыстабылын министиэристибэтэ иһитиннэрэр.
Министиэристибэ этэринэн, исписэлиистэр 24 улууска 89 нэһилиэнньэлээх пууҥҥа сылдьыбыттар. Ол иһигэр Арктика 13 нэһилиэгэр. Ураты болҕомто оҕолорго ууруллубут.
Хотугу Муустаах байҕал кытылын кыйа сытар улуустарга улахан дьон биригээдэтэ 17 төгүл тиийэ сылдьыбыт, 10 төгүл – оҕо биригээдэтэ, 3 төгүл – тиис биригээдэтэ уонна 1 төгүл – психоноркология.
Мобильнай быраастар бырайыактара дойду бэрэсидьиэнэ Владимир Путин көҕүлээбит “Көхтөөх уһун үйэлэнии” национальнай бырайыагын чэрчитинэн тэриллэр.
