Саха сиригэр 65-тэн аҕа саастаах дьоҥҥо диспансеризация ыйа саҕаланна. Ити кэм иһигэр аҕам саастаах уонна кырдьаҕас дьон ОМС полистарынан доруобуйаларын босхо көрдөрүөхтэрин сөп. Ол туһунан доруобуйа харыстабылын министиэристибэтэ иһитиннэрэр.
Диспансеризация кэмигэр көрдөрүнээччилэри терпаевт көрүөҕэ, араас суол анаалыстары ылыахтара, дабылыанньаны кэмниэхтэрэ, ЭКГ, онкоскрининг оҥоһуллуо. Көрдөрүү түмүгүнэн киһи уорбалаах сибикитэ баар буоллаҕына, тустаах быраас анал идэлээх атын исписэлиистэргэ чинчийиигэ ыытыаҕа.
Диспансеризацияҕа “Госуслуги” порталынан, олохтоох бэликилииньикэ регистратуратын төлөпүөнүнэн суруйтарыахха сөп.
Бэй.кэр.
Хаартыска: 3gb-mgn74.ru
