Киир

Киир

Сэрэҕэ суохтук туттан киһини өлүүгэ тиэрдии иһин, Мэҥэ Хаҥалас оройуонун борокуруора холуобунай дьыалаҕа буруйдуур түмүгү бигэргэттэ. Маныаха, олохтоох урбаанньыкка икки сылга диэри көҥүлү быһыы куттала суоһуур. Бу туһунан олохтоох борокуратуура пресс-сулууспата иһитиннэрэр.   

eimg22 08 2022 17 32 20 0 758x569

Силиэстийэ быһаарбытынан, «Хотун Мааччыйа» пляжка сөтүөлээччи киһи нуормаҕа сөп түбэспэт чычаас ууга турар аттракционтан  таҥнары сырылаан, күөл дириҥэр кытаанахха төбөтүнэн сааллыбыт. Бу түмүгэр, эдэр эр киһи тоноҕоһун эчэппит уонна балыыһаҕа тиийэн сырдык тыына быстыбыт.  

A1IAnG8hl7

«Салгынынан үрүллэр уу аттракционун оҥорон таһаарааччытын сөп түбэһиитин сэртипикээтигэр, техническэй пааспарыгар суруллубутунан, тэрил 3 миэтэрэ дириҥнээх ууга туруохтаах», - диэн иһитиннэриигэ суруллубут.   

Быһаарыллыбытынан, урбаанньыт, сынньалаҥ куттала суох буолуутун быраабылатын тутуспакка, уу үрүллэр аттракционун 1,2 миэтэрэ дириҥнээх сиргэ туруорбут, бу түмүгэр, пляжка сынньана кэлээччи эчэйбит.

Буруйдуур түмүк бигэргэтиллибитин кэнниттэн, оройуон борокуруора холуобунай дьыаланы суут көрүүтүгэр анаан ыыппыт.

Маннык буруйу оҥоруу иһин, урбаанньыты икки сылга диэри көҥүлүн быһыахтарын сөп.