Саха сирин Ленскэй куоратыгар, балаҕан ыйын 13 күнүн түүнүгэр икки этээстээх мас, уопсай дьиэ умайда. Баһаар тахсыбыт сириттэн 10 киһини эрдэ таһаарбыттар, 5 киһини быыһаабыттар. Оттон 1972 сыллаах төрүөх дьахтар өлбүт, 1956 сыллаах төрүөх эр киһи эт-хаан эчэйиитин ылбыт.
Төлөн биир сыалай кыбартыыраны сиэбит, оттон аттынааҕыга истиэнэ, муоста уонна хоруобуйа иһэ умайбыт. Саха сиринээҕи Ыксаллаах быһыыга-майгыга Министиэристибэтэ иһитиннэрэринэн, баһаар тазхсыбыт биричиинэтэ – уоту сэрэҕэ суохтук туттуу. Билиҥҥи туругунан, буруйдааҕы уонна хоромньунун быһаара сылдьаллар. Баһаары умулларыыга Ленскэйдээҕи баһаарынай-быыһыыр этэрээтиттэн 18 киһи уонна 3 баһаарынай тиэхиникэ кыттыбыт.
