Соторутааҕыта Соҕуруу Кореяҕа Хэллоуин күнүгэр уулуссаҕа көрүлүү тахсыбыт тыһыынчанан киһи анньыһыытыгар-тэпсиһиитигэр 150-тэн тахса ыччат суорума суолланна. Иэдээн дии!
Мин төрүкү да ити "бырааһынньыгы" сэргээбэппин. Сахаларга отой барсыбат!
Хеллоуин ис хоһооно маннык: "Вечером 31 октября и весь день 1 ноября они чествовали бога мертвых, в воле которого находились души людей после их смерти". Өлүүнү кытта ыкса сибээстээх. Сахалар былыр-былыргыттан иччи, абааһы, үөр, сибиэн диэнтэн куттанар дьоммут. Бэл, оннооҕор, түүл-бит куһаҕан буоллаҕына, санааҕа ылларабыт, муунтуйабыт. Кылабыыһаҕа сылдьарбытын сөбүлээбэппит, бокуонньук уҥуоҕар мээнэ тиэстибэппит... Айылҕаттан айдарыылаах ойууттар, удаҕаттар күүстэригэр итэҕэйэбит. Аны, аһаҕас эттээх дьон диэн эмиэ баар. Үгүскүт биһиги күннээҕи олохпутун сэргэ ханыылыы атын эйгэ (параллельный мир) баарын эмиэ син сэрэйэҕит. Уонна тоҕо эрэ оҕолоргут итинник, өлбүт киһи уобарастаналларын тулуйаҕыт, көҥүллүүгүт.
Тоҕо биһиги арҕаа дойду култууратын барытын үтүктэн иһиэхтээхпитий? Холобур, мусульманнар ити "бырааһынньыгы" утараллар. "Мусульманам не стоит отмечать Хэллоуин, поскольку эта праздничная традиция противоречит общечеловеческим ценностям и ее можно назвать в некотором роде сатанинской". Нуучча да итэҕэлэ хеллоуини эмиэ сөп диэбэт. "К Хэллоуину же Русская православная церковь относится негативно, считая его языческим праздником, который учит людей приносить дань злым духам, что совершенно противоречит христианским идеалам". Аны нуучча лиэксикэтигэр "бес" диэн тыл баар. Киһи дууһата чараас, онон куһаҕан тыын кэбэҕэстик киирэр. Ордук саҥа улаатан эрэр ыччаттарга (подростоктарга).
Кэнники кэмҥэ уйулҕата хамсаабыт, майгыта-сигилитэ алдьаммыт, кэһиллибит ыччат элбээтэ. Куһаҕан тыын киирбит дьонун эмтиир уустук, үгүстэрэ суорума суолланаллар. Билэммин этэбин. Онуоха эбии, дьэ, итинник өлүүнү түүйэр оонньуулар, ол-бу квестэр, хэллоуиннар, ужас-киинэлэр төһүү буолаллар. Бу Соҕуруу Кореяҕа буолбут түбэлтэ эмиэ ити күнү кытта ситимнэннэ. Боростуойдук сахалыы да толкуйдаан көрдөххө - ити барыта мээнэҕэ буолбатах. Ала-чуо бу күн иэдээн таҕыста...
Онон сулустар, блогердар, медийнэй дьон маннык күнү мээнэ пропагандалаабаккытыгар көрдөһүөм этэ.
Сэҥээриилэр