Киир

Киир

Балаҕан ыйын устата «Кыым» хаһыакка уонна «Кыым.ру» аан ситимҥэ Роспотребнадзор Саха сиринээҕи управлениетын саҥа үлэһитэ, 25 саастаах Александра Николаева атырдьах ыйын 24 күнүгэр, Уус Маайа оройуонун Кюп сэлиэнньэтигэр командировкаттан Алдан өрүһүнэн төннөн иһэн, ууга түһэн сүппүт  дьулаан быһылаанын киэҥник сырдаппыппыт.

Бу айаҥҥа эдэр ыал ийэтэ  ким эрэ халы-мааргы, көтүмэх, эппиэтинэһэ суох сыһыаныттан суорума суолламмыта сэрэйиллэр этэ. Ол курдук, Александра чугас дьонун кытта кэпсэтииттэн оҥочону ыытан испит 37 саастаах Уус Маайа дьаһалтатын ыксаллаах быһыыга-майгыга исписэлииһэ уунан устар аччыгый суудунаны ыытар бырааба суох сылдьыбыта уонна хайдах туруктааҕа биллибэт былыргы оҥочонон дьону тиэйбитэ  биллибитэ.       

Кэмниэ-кэнэҕэс Илиҥҥи  эрэгийиэннэр икки ардыларынааҕы  тырааныспарга силиэстийэлиируправление Саха сиринээҕи силиэстийэлиир салаата холуобунай дьыала буруйдуур түмүк докумуона суукка барбытын туһунан иһитиннэрбит. Онон, буруйданааччы уу тырааныспарын туһаныы уонна ыытыы ирдэбилин икки бүк кэһэспититтэн, тырааныспары сэрэҕэ суохтук ыыппытыттан оҥочо түҥнэстэн киһи өлүүтэ тахсыбытын иһин биэс сылга диэри болдьотоох хаайыыга барыан сөп. Буруйу дакаастыыр чахчылар толору хомуллубуттар, силиэстийэҕэ сылдьааччы буруйун толору билиммит,                                                           

Сонун төрдө: ysia.ru

Тарҕат:

Санааҕын суруй