Дьокуускай куорат суута манна олохтоох гр.Орлованы Ньурба, Бүлүү уонна Өлүөхүмэ дьонун үөхпүтүн иһин сууттаата уонна 5 тыһ. солкуобайга ыстарааптаата.
Дьыаланы куорат Борокуратуурата СӨ ИДьМ Экстремизмҥэ утарылаһар киинин матырыйаалынан көбүппүтэ. Онно көстөрүнэн, гр.Орлова Вконтакте социальнай ситимҥэ тахсыбыт «46 летний житель Нюрбы зарезал ножом родственника и его сожительницу» суруйууга «Нюрба, Вилюйск, Олекма, они там от скуки что ли убивают друг друга, и детей насилуют? Там что, людям совсем заняться нечем? Деградирует народ там, а сюда приезжают, половина на автовокзале живут обосанные. Пора бы им вести сухой закон, чтоб не тратили время по пустякам» диэн кэмэнтээрий хаалларбыт.
СӨ Ил Дарханын дьаһалтатын иһинэн үлэлиир Стратегическэй чинчийии киинэ кэмэнтээрий тылын-өһүн үөрэтиитин түмүгүнэн, Ньурбаттан, Бүлүүттэн, Өлүөхүмэттэн төрүттээх дьону барыларын сөбүлээбэт буолуу уонна үөҕүү баара дакаастаммыт. Онон, гр.Орлова РФ КоАП 20.3.1 ыстатыйатынан буруйданан 5 тыһ. солкуобайга ыстарааптанна.
Күндү Сахабыт сирин олохтоохторо, эһиги эмиэ тылгытын-өскүтүн социальнай ситимнэргэ көрүнэ сылдьаргытыгар сүбэлиибит.
Сонун төрдө: “Этэрбэс араадьыйата” тлг-ханаал
