Олунньу 2 күнэ үүнэр түүнүгэр, 220кВ «Майя» ПС алдьанан, Чурапчы, Уус Майда, Уус Алдан, Амма, Таатта, Томпо улуустарыгар уоту биэрии уһун кэмҥэ кэһиллэ сылдьыбыта. Сарсыҥҥы күнүгэр Аммаҕа бүтүн аҕыс киһи үгээрдээн, биир киһи өлбүтүн, атыттары ыарахан туруктаах киин куоракка аҕалбыттарын туһунан сонун тарҕаммыта.
Саха сирин Силиэстийэлиир кэмитиэтэ иһитиннэрбитинэн, “Сахадортранс” тэрилтэ бас билэр гараһын биир хоһугар үлэһиттэр, уотунан хааччынаары, икки бэнсиининэн барар генераторы холбообуттар. Эр дьон атын хоско сылдьыбыттар эрээри, сабаҕалааһын быһыытынан, үгээрдээх гаас үчүгэйдик сабыллыбатах аанынан киирбит. Билигин силиэдэбэтэллэр киһи өлүүлээх быһылаан ымпыгын-чымпыгын үөрэтэ сылдьаллар.
СӨ Доруобайа харыстабылын министиэристибэтин пресс-сулууспата иһитиннэрбитинэн, үгээрдээбит дьонтон биир киһи олус ыарахан (ИВЛ аппаракка), атыттар ыарахан туруктаах сыталлар.
Бэйэ кэр.
