Муус устар 7 күнүгэр Өлүөхүмэ улууһугар урут хас да төгүллээн сууттана сылдьыбыт 43 саастаах киһийдэх бэйэлээтэр бэйэтин тэлгэһэтигэр 34 саастаах ойоҕор саба түспүт уонна дьахтар муннун, кулгааҕын быһаҕынан быспыт. Оҕолоро дьиэлэригэр баалларына. Ол туһунан быраабы араҥаччылыыр уорганнар иһитиннэрэллэр.
“Түөрт оҕолоохтор. Эр киһи уонна дьахтар сотору-сотору арахсаллара-холбоһоллоро эбит үһү. Дьахтар бүтэһигин киһитэ хаайыыга олордоҕуна, икки сыл анараа өттүгэр, тиийэн холбоспут. Барыллаан чахчыларынан, эр киһи буруйу оҥорор кэмигэр итирик буолбатах эбит”, – диэн быраабы араҥаччылыыр уорганнар этэллэр.
Суруйалларынан, дьахтар мэдиссиинэ тэрилтэтигэр сиэстэрэнэн үлэлиир эбит. Ол быһылааннаах күн дьиэтигэр түүҥҥү симиэнэттэн эргиллэн испит.
“Эр киһи ойоҕун тиэргэнигэр анаан-минээн кэтэн турбут уонна саба түспүт. Оҕолоро ону көрөн полицияҕа тыллаабыттар. Быһылаан буолбут сириттэн эмсэҕэлээччи кулгааҕа көстүбүт, муннун булбатахтар. Дьахтар билигин балыыһаҕа сытар. Эр киһи – полицияҕа”, – диэн быраабы араҥаччылыыр уорганнар быһаараллар.
Быһылаан күнүүлээһинтэн эбэтэр дьахтар эриттэн арахсыан баҕарарыттан тахсыбыт буолуон сөп дииллэр.
