Өлүөхүмэ улууһугар Хоро бөһүөлэгин аннынан Өлүөнэ өрүскэ ньиэп тохтубутун күрүөлээтилэр. Ууну ыраастыыр сорбены куттулар.
СӨ Гражданскай оборуонаҕа уонна нэһилиэнньэ олоҕор куттал суоһаабатын хааччыйыыга министиэристибэтэ иһитиннэрэринэн, ньиэп Өлүөнэ өрүскэ ньиэп бородууктатын тиэнэ турбут баржаттан тохтубут.
Саха сирин быыһыыр сулууспатын, ЛОРП, дьаһалта үлэһиттэрэ уонна бөһүөлэк олохтоохторо кирдээх уу салгыы барбатын туһугар, Хороттон 10 биэрэстэлээх Советская Курья диэн сиргэ тиийэн үлэлээбиттэр.
Быыһааччылар, бар дьон хааччахтыыр күрүөлэри (боны) туруорбуттар, сорбенынан көмүскээбиттэр. Бэс ыйын 18 күнүгэр быһылаан буолбут сиригэр “Ракета” диэн түргэн суудунанан эбии тэрили-тээбирини уонна ууну ыраастыыр сириэстибэлэри илдьиэхтэрэ.
Бэй.кэр.
Хаартыска: СИА.
