Кэбээйи улууһугар ураты ыар буруйу оҥорон эдэрчи киһи сууттанан эрэр. Улуус борокуратуурата холуобунай дьыала буруйдуур быһаарыытын бигэргэппит.
Эр киһи РФ ХК 111 ыстатыйатын 4 чааһынан буруйданар. Судургутук эттэххэ, “киһи доруобуйатыгар соруйан ыар дьайыыны оҥороору сэрэҕэ суохтан өлөрүү” диэнинэн.
Силиэстийэ этэринэн, буруйданааччы киһи Кэбээйи бөһүөлэгэр арыгылыы сылдьар аҕатын ыал тиэргэниттэн баран дьиэтигэр аҕалбыт.
Ол эрээри, итирик аҕата тэлгэһэтигэр кэлэн баран, туох иһин дьиэтигэр кииримээри дьирээлэспит, таһырдьа турар сибэкки иһитин тоҕо тэппит. Уола, биллэн турар, аҕатын дьиэтигэр киллэрэ охсоору соһуспут уонна хайа эрэ түгэҥҥэ күүскэ тардыбытыгар, онтон да суох итирик туруктаах киһи дьиэ үктэлэригэр охтон түһэн, төбөтүн эчэппит, онтугар хаан туран, мэйиитин баттаабыт. Ити кэннэ балыыһаҕа киирэн тыына быстыбыт.
Борокуруор холуобунай дьыалана суукка ыыппыт.
Матырыйаал уонна хаартыска: СӨ Борокуратууратын пресс-сулууспата.
