50 саастаах Усуйаана улууһун олохтооҕо билэр киһитин сибэтиилинньигинэн кырбаан өлөрбүт. Буруйдааҕы алта сылга кытаанах эрэсиимнээх холуонньаҕа уураахтаабыттар. Ол туһунан СӨ борокуратуурата иһитиннэрэр.
Дьулаан түбэлтэ бу саас ыам ыйыгар Усуйаана Туматыгар буолбут. Эр дьон биир кыбартыыраҕа көрсөн өйдөспөтөхтөр, кыыһырсыбыттар. Онтон буруйдаах остуолга турар тимир сибэтиилинньиги ылан, икки төгүл билэр киһитин төбөҕө охсубут. Анараата охсуу күүһүн уйбакка, тыына быстыбыт.
Буруйдаах суут уурааҕынан алта сылга кытаанах эрэсиимнээх холуонньаҕа буруйун боруостуур буолбут. Биригиибэр күүһүгэр өссө да киирэ илик.
Бэй.кэр.
Хаартыска: СӨ Борокуратуурата.
