Дьокуускай куорат суута бааһырбыт байыас бааннаах каартатыттан улахан кээмэйдээх харчыны уоран туттубут волонтер Алеся Сосина дьыалатыгар быһаарыы таһаарда. Кини буруйданар РФ ХК 158 ыст. 3 чааһын «г» пуунунан 6 сылга көҥүлэ быһыллыан уонна ыстарааптатыан сөп этэ. Онуоха кинини тургутар болдьохтоох үс сылга усулуобунайдык уурдулар.
Силиэстийэ быһаарбытынан, волонтер Сосина Абыйтан төрүттээх бааһырбыт байыас итэҕэлин ылан каартатын аймахтарыгар тиксэриэх буолан илдьэ барбыт уонна тиксэрбэккэ бэйэтэ тутта сылдьыбыт. Ол түмүгэр, кини каартаттан 875 тыһ. солкуобайы бараабыт. Ол курдук, Сочига сынньаммыт, сауналарга сылдьыбыт, ийэтигэр ыыппыт, салоннарга сирэйин оҥотторбут, таҥныбыт, аһаабыт-сиэбит....
Байыас тастыҥ балта arcticpost.ru таһаарыыга биэрбит интервьютугар Алеся Сосина байыас өлөрүгэр эрэнэн, ким да билиэ суоҕа диэн итинник быһыыламмытын сабаҕалыыр. Ону ааһан, волонтер, каартаны тиксэрэн да баран, байыас хамнаһын бэйэтигэр ыыта сылдьыбыт. Кэнники, сууттанар буолбутун билэн баран, уоран туттубут харчытын оннугар байыаска хаарбах массыынаны биэрэ сатаабыт.
Алеся Сосина ыар буруйу оҥорбутун улаханнык билиммэт курдук. Хара маҥнайгыттан бэйэтин көмүскүүр, арбанар, сымыйалыыр. "Туттубут харчыбын барытын төнүннэрбитим" диэбитэ, өссө даҕаны 200 тыһ. солк. иэстээх сылдьара суукка биллибит. Уонна туох да буолбатаҕын курдук күннэтэ социальнай ситимнэргэ элэҥниир, тэрээһиннэргэ кыттар, үөрэр-көтөр. Оттон биһиги санаабытыгар, волонтер аатын сүгэн «байыастарга көмөлөһө» барбыт киһи итинник быһыыланара туох да сиэргэ баппат.
Сонун төрдө: https://arcticpost.ru
Сэҥээриилэр
Интересно исследовать каждый его раздел!
Also visit my homepage; astrohvarna.info: https://astrohvarna.info/