Нам полициялара уоран сомогуон оҥорон атыылыы олорбут эдэр киһини туттулар.
Профилактика эриэйдэтин кэмигэр полициялар учуокка сылдьар дьону бэрэбиэркэлии таарыйа биир дьиэҕэ киирбиттэрэ, хас да киһи арыгылыы олороро эбитэ үһү. Былаас бэрэстэбиитэллэрэ “арасаа” иһитигэр кутуллубут “убаҕаһы” уорбалыы көрөн “тугуй?” диэн сураспыттарын, иһэн-аһаан күөллүү олорор эрэттэр “сомогуон” диэн хардарбыттар, туох да муоҕа-чуоҕа суох хантан атыыласпыттарын ыйан биэрбиттэр.
Онтон сиэттэрэн полиция үлэһиттэрэ аны сомогуон оҥорор 33 саастаах эр киһиэхэ “ыалдьыттаабыттар”. Бэйэтин туппуттар, дьиэтиттэн сомогуон оҥорор аппарааты уонна 20-лии лиитэрэлээх хас даҕаны арыгылаах иһити былдьаабыттар.
Полициялар этэллэринэн, сомогонщик арыгытын биир дойдулаахтарыгар атыылыы олорбут. 5 лиитэрэлээх иһитэ 1500 – 2500 солкуобай эбитэ үһү.
Тутуллубутун, дьыала тэриллибитин кэннэ сомогуону хиимийэ эспэртиисэтигэр ыыппыттар. Холуобунай дьыала тэриллиэх курдук.
Сэҥээриилэр